Boas festas de Nadal!

Xa marcha 2016, o ano das ondas gravitacionais e de SpaceX, pero tamén o ano en que as xirafas foron declaradas vulnerables á extinción. Foi o ano que descubrimos a vacina máis prometedora contra o virus Ébola; o ano do nihonio, do moscovio, do téneso e do oganesón, pero tamén o ano en que superamos o récord histórico de temperatura e o ano da «posverdade».

felicitacion-nadal-boa-2

Traballemos para que 2017 nos traia mellores boas noticias e menos malas noticias. Non hai dúbida de que nos agardan novos achados científicos que nos axudarán a que este mundo, que é o único que temos polo momento, sexa mellor para todos os que vivimos nel.

Que o ano novo vos encha de curiosidade, que é o xermolo do coñecemento. Moi boas festas de Nadal!

[Fonte orixinal da imaxe: http://christmasstockimages.com/free/christmas-trees/slides/christmas_chemistry.htm]