Como xa fixeramos co mapa da física, do que publicamos unha tradución da imaxe e do vídeo de Dominic Walliman hai varios meses, en outubro publicabamos a tradución do seu mapa das matemáticas en formato imaxe e hoxe toca o vídeo, que xa está subtitulado en galego! Lembra que, para o veres, só tes de premer en «Configuración» e elixir a túa lingua. Vémonos!
álxebra
O mapa das matemáticas
![O mapa das matemáticas](https://cienciondebreogan.wordpress.com/wp-content/uploads/2017/08/o-mapa-das-matemc3a1ticas.png?w=636)
Soñan os babilonios con multiplicacións eléctricas?
[Esta é unha tradución adaptada do artigo orixinal de 7 de setembro de 2016 ¿Sueñan los babilonios con multiplicaciones eléctricas?, de Raúl Ibáñez Torres, que pode lerse nesta ligazón.]
Un dos temas presentes na materia de Matemáticas no ensino secundario é o das identidades (ou igualdades) notables, é dicir, as expresións alxébricas do cadrado da suma e da resta, como tamén o produto da suma pola resta, que se empregan para o estudo das ecuacións alxébricas e na resolución de problemas matemáticos.
![imagen-1-260x108](https://cienciondebreogan.wordpress.com/wp-content/uploads/2016/09/imagen-1-260x108.jpg?w=636)
Estas expresións alxébricas adoitan causar bastante rexeitamento nos estudantes, que as estudan de cor a pesar de que a súa demostración é sinxela, e que ademais non entenden o motivo de estudar algo que non ten ningunha utilidade aparente, alén do temario da clase.
![imagen-2-640x329](https://cienciondebreogan.wordpress.com/wp-content/uploads/2016/09/imagen-2-640x329.jpg?w=487&h=250)